КМУнун окутуучулары КРда реабилитациялоо жаатында кадрларды өнүктүрүү боюнча форумга катышты
И.Арабаев атындагы Кыргыз мамлекеттик университетинин Педагогика жана психология институтунун атайын педагогика жана психокоррекция кафедрасынын башчысы Замира Жапарова жана окутуучу Мырзагүл Бегимкулова Кыргыз Республикасында реабилитациялык кадрларды өнүктүрүү боюнча форумга катышты. Замира Жапарова «КРда реабилитациялык билим берүүнү өнүктүрүү» аталышында баяндама жасады.
Форумга ошондой эле КР Саламаттык сактоо министрлигинин, КР Эмгек, социалдык камсыздоо жана миграция министрлигинин, КР Билим берүү жана илим министрлигинин, Бүткүл дүйнөлүк оккупациялык терапевттер ассоциациясынын (WFOT), Бүткүл дүйнөлүк физиотерапевттер федерациясынын (WP) өкүлдөрү катышты.
