КМУда “Улуу Жеңиштин тарыхтагы орду” аталышында конок-лекция өттү
И. Арабаев атындагы Кыргыз мамлекеттик университетинин Э.Ж. Маанаев атындагы Тарых жана социалдык-укуктук билим берүү институтунда Улуу Ата Мекендик согуштун 80 жылдыгына карата Улуттук гвардиянын мурдагы командири, генерал-полковник Абдыгул Чотбаев “Улуу Жеңиштин тарыхтагы орду” аталышында конок-лекция өттү.
Иш-чаранын жүрүшүндө Улуу Жеңиштин мааниси, кыргыз элинин согуштагы эрдиги жана мекенге болгон сүйүүсү тууралуу маалыматтар берилди.
Иш-чаранын максаты: согуш ардагерлеринин катары жылдан-жылга кыскарып жаткандыгын эске алып, аларды урматтап, алардын эрдигин, баатырдыгын, жеңиштин маанилүүлүгүн студенттерге жеткирүү жана аларды мекенчилдикке тарбиялоо.
Иш-чара КМУнун Э.Ж. Маанаев атындагы Тарых жана социалдык-укуктук билим берүү институту тарабынан уюштурулду.
