КМУнун ректору Айгүл Абдраева Япониянын “Гифу Гранд” отелинин президенти Масааки Ивасе менен жолукту
И.Арабаев атындагы Кыргыз мамлекеттик университетинин ректору Айгүл Абдраева Япониядагы «Мэйтэцу» тобуна кирген “Гифу Гранд” отелинин президенти Масааки Ивасе менен жолукту.
Жолугушууга КМУнун эл аралык бөлумүнүн башчысы Айчүрөк Мырзалымбекова, Японтаануу институтунун директору Айбек Самаров, КМУнун Окуу башкармалыгынын начальниги Эдил Амантур уулу, Билим берүү программаларын лицензиялоо, аккредитациялоо жана сапатына мониторинг жүргүзүү департаментинин башкы адиси Кенже Кыдыкбаева катышты. Тараптар эки өлкөнүн билим берүү багытындагы кызматташуусу, студенттик алмашуу программалары жана япон тилин окутууну өнүктүрүү маселелерин талкуулашты.
Жолугушуунун жыйынтыгында мындан аркы кызматташтыкты тереңдетүүгө багытталган бир катар пландар белгиленди.
Жолугушуунун соңунда конокторго чакан концерттик программа тартууланды.
