КМУнун профессордук-окутуучулар курамы «Өлбөс полк» акциясына катышты
И.Арабаев атындагы Кыргыз мамлекеттик университетинин Экономика жана менеджмент институтунун Орто кесиптик билим берүү бөлүмүнүн, Дин таануу факультетинин жана Гуманитардык-педагогикалык колледжинин профессордук-окутуучулар курамы жана студенттери «Өлбөс полк» акциясына катышты.
Иш-чара Бишкек шаарындагы Жеңиш сейил багында өтүп, катышуучулар Улуу Ата Мекендик согуштун ардагерлеринин, тылдын эмгекчилеринин сүрөттөрүн көтөрүп чыгышты.
Акциянын негизги максаты: тынчтык үчүн курман болгон ата-бабалардын эрдигин эскерүү, жаш муундарга маалымат берүү менен патриоттуулукка тарбиялоо.
